Trefnir y bysiau yn gyfan-gwbl gan Adran Cludiant Ysgolion Cyngor Bwrdeistref Sirol Castell-nedd Port Talbot (01639 763333). Ceir gwybodaeth ynglŷn ag amserau’r bysiau a’r arosfannau priodol oddi wrth yr Adran honno. Cynghorir disgyblion i fod wrth yr arosfan priodol bum munud cyn yr amser swyddogol.

• Os digwydd i ddisgybl golli’i fws ar ddiwedd y dydd, dylid mynd yn union i Swyddfa’r ysgol ac nid i unman arall.
• Rhaid i ddisgybl gario’i docyn bws bob dydd er mwyn dangos i’r gyrrwr.
• Yn ôl rheolau’r Cyngor Bwrdeistref Sirol, gall disgybl sy’n camymddwyn ar fws ysgol golli’i hawl i gludiant rhad ac am ddim.
• Gellid cael copi o lyfryn yr Awdurdod Addysg Cludiant ar Fysiau Ysgol o swyddfa’r ysgol.