Croeso i adran y gymdeithas rieni ac athrawon! Mae gennym CRhA ymroddgar sydd â’r bwriad o greu a datblygu cysylltiadau cryf rhwng yr ysgol a’r cartref. Mae’r CRhA wedi ymrwymo i godi arian er mwyn galluogi’r cyfleoedd gorau i ddisgyblion Bro Dur. Ein bwriad yw cyfrannu'n sylweddol at broffil yr ysgol a’i delwedd bositif uchel a chadarnhaol sydd ganddi yn y gymdeithas leol. O deithiau siopa, stondinau yn y cyngerdd Nadolig i luniaeth yn ystod nosweithiau rieni, targed y CRhA yw codi digon o arian i brynu bws mini newydd i’r ysgol, fel y gall disgyblion fwynhau’r amryw o gyfleoedd mae ein hardal arbennig yn gynnig.

Er maint ein hysgol, rydym yn griw bach o rieni ac athrawon ac rydym wastad yn edrych am aelodau newydd. Os fedrwch chi gynnig cwpl o oriau nawr ac yn y man, cysylltwch â ni! Hyd yn oed os nad ydych yn gallu mynychu cyfarfodydd yn gyson, rydym wastad yn chwilio am bobl i gynorthwyo gyda’n gweithgareddau. Os hoffech chi ymuno a ni chysylltwch â phrif swyddfa Bro Dur i adael eich manylion cyswllt. Croesawn aelodau newydd!